Hpaji madang tsang 10 htai ga ai ni hpe, jawng ngut lekmat jaw na

Mungdaw Hpaji Dap rung

Myen asuya gaw hpaji madang tsang 10 htai sai ni hpe, san poi hkrat tim, jawng ngut lemat jaw ai lam dai ning 2019-2020 hpaji ladaw kaw nna galaw mat wa na re lam chye lu ai.

‘lahta tsang hkrat ai jawng ma ni, shinggan bungli galaw na matu yak ai. Dai majaw lahta tsang jawng ngut lekmat jaw dat yang, shanhte a matu kan bau bungli mahkrun grau lu wa na hpe myit mada ai majaw, munghpawm asuya matsun du ai re’ nga nna Jinghpaw mungdaw hpaji dap ningbaw Sarama kaba Khin Than Nway tsun ai re.

Dai ning kaw nna tsang 10 htai ai ni hpe shawng jawng hpang na re lam chye lu ai.

Raitim jawng ngut lekmat lu na matu Munghpawm asuya kaw nna jahkrat tawn ai lam yan 7 nga ai lam tsun ai re.

Dai ni gaw jawng dingyang sa ai ni, subjects shagu hpe chye na ai ni, wuhpung wuhpawng magam bungli hta shanglawm ai ni, mara tawt ai lam nnga ai re, dai zawn masat tawn ai hpe chye lu ai.

‘‘ya ten jawng kaw mung hpaji madang gawn jep na wuhpung tawn da ai. Ma ni numbat hpe ya kaw nna yu let ka bang magang sai. Shata san poi ni hta awng ra ai. Hkrat tim pyi, bai awng hkra htai na matu re’’ nga nna Myitkyina No.9, lahta tsang jawng up Sarama Nyo Nyo Than tsun ai re.

Myen mung ting madang tsang 10 san poi htai ai hta, tsa lam shadang 30 ya awng nna, ngam ai 60 gaw san poi hkrat ai re. Dai zawn, San poi hkrat ai jawng ma ni hpe mung masat masa lu hkra ya na zawn, lahta tsang jawng ngut lekmat jaw na hkyen ai re lam mungdaw hpaji dap ningbaw tsun ai re.

0 Reviews

Write a Review

Read Previous

Manau Poi mahkyen hpe ndau

Read Next

Hpung masum ICC-ICJ madi shadaw ai hpe bai dawm na, Miwa dip n-gun jaw

Leave a Reply

Your email address will not be published. Required fields are marked *