Bungli Shaga Ai Lam

Kachin News Group (KNG) hpe 2003 ning, India-Myen lamu ga jarit hta, Jinghpaw jawng ma hpung ni woi awn hpaw hpang ai kaw nna, ya ten du hkra Jinghpaw mung shawa ni chye ging chye mai ai shiga ni hpe Thai mungdan hte Jinghpaw mung kata daju nna, Jinghpaw, Myen, English ga hku nna shiga tang madun, shapoi ya nga ai re.

Ya ten KNG magam bungli maden jat ai hta shani shagu na Jinghpaw TV shiga (Daily Kachin TV) lamang hpe edit na matu ‘Video Editor’ magam gun langai hkyak hkyak ra nga ai majaw, myit lawm ai kadai raitim shawk shawn wa na matu ndau dat ai.

Ra nga ai magam lit              –        Video Editor (Marai Langai).

Bungli Shara                          –        Chiangmai, Thailand.

Ladaw                                    –        Shata 9 (ladaw bai jat yang mung jat wa na)

Galaw Ra na Magam Bungli Ni

1. Bat langai ya kaw nna manga ya shani du hkra, shani shagu Jinghpaw TV lamang hpe edit ra na.
2. KNG shapraw ai kaga video ni hpe mung lit la nna edit ra na.
3. Footages n nga ai ten, lamu ga sumla ni hte graphic hku nna sawk hkrawk tam bang jai lang chye ra na.
4. Aten shachyut nna, aten dep video shapoi lu hkra edit shangut ra na.

Nga Ra ai Machye Machyang hte Hkan Sa Ra ai Lam Ni

1. Adobe Premiere Pro, adobe photoshop, audition ni hpe kung kyang ra na.
2. Jinghpaw TV lamang edit na re majaw, Jinghpaw laika hpe kung kyang ra na.
3. ‘Shiga’ hpe myit lawm nna, shawa myit shang sha hkra edit chye ai ra na.
4. KNG shi sawk ni hte ta gindun nna bungli galaw ra na.

Lahta na ginlam ni hpe myit lawm nna, KNG hta bung galaw mayu ai kadai raitim mung,

1. CV
2. Edit yu sai video hkrang 2 (2023 ning laman edit da ai video rai ra na)

dai ni hpe kng@kachinnews.com de September 30, 2023 shana de hkying 5 hpang jahtum tawn nna shawk ra na. Lata la hkrum ai ni hpe, Interview a matu KNG kaw na matut mahkai galaw wa na re.