PDF hpe madi madaw ai ngu mara hte Mungdan kata na mung shawa marai 20 hpe rim ahkyak la da ai lam, Myen hpyen shiga hta ndau tawn ai re.
PDF ni hpe madi shadaw na matu hpaw tawn ai Mung Shawa Rawt Malan Hpung Madi Shadaw gumhpraw PRF kaw shang lawm ai ngu mara hte rim woi da ai rai nga ai.
“tara n shang ai wuhpung ni hte matut mahkai garum madi shadaw taw nga ai mung shawa marai 21 hpe lu rim woi da ai. matut nna n dai lam hta shang taw ai mung shawa marai 3000 hkawt a mying jahpan ni hpe mung lu da ai,” lam Myanmar Alin Shi Laika hta tsun tawn ai re.
Rim woi da ai marai 21 hta Sam Mung, Mandalay, Yangon, Ayeyarwaddy ginra hkan na mung shawa ni re lam matut tsun da ai.
Gumshem Myen hpyen maga na gaw, dai zawn garum madi shadaw shang lawm taw nga ai mung shawa marai 2700 a jahpan ni hpe lu la da ai lam, tsun tawn ai re.
Wave Pay kaw na garum jaw taw ai marai 700, NUG Pay kaw na garum jaw taw ai marai 1000 daram, áá˝áąáĽáŽá¸áááş(SDB) kaw na garum taw ai 1000 hkawt ni a jahpan hpe lu da ai nga n dau tawn ai re.
PRF ngu ai lamang gaw, NUG n pu PDF rawt malan hpyenla ni hpe garum madi shadaw na matu hpaw tawn ai lamang langai re hpe chye lu nga ai.
PRF maga na mung, Myen hpyen ndau da ai lam hte seng na jep sagawn taw nga ai lam, Facebook n tsa tsun tawn ai re.
Jep sagawn nna lu wa ai mahtai hpe PRF facebook n tsa kaw na bai n dau ya mat na lam tsun tawn ai hpe mu lu nga ai re.
PRF Website kaw na ndau da ai hta, ndai September shata laman kaw masha marai Mun mi chyen daram na madi shadaw ai gumhpraw Ameracan Dollar Sen 5 jan lu da ai lam ndau tawn ai re.
