Jinghpaw Mung Hpyen Asuya kaw na Myitkyina Monyin lapran du wa na July shata hta Wanleng wanleng lu hkawm hkra shani shana shakut taw nga ai lam chye lu ai.
Mogaung hte Monyin lapran hten taw ai wanleng lam mahkrai mali hpe dai ning laman galaw shangut lu sai rai nna, ya matut naw gram ra ai mahkrai ni hpe lawan ngut na matu Salang Hkyet Hting Nan nan, wanleng lam gram ai shara de sa nna, ra ai lam ni hpe sa matsun wa ai lam, Myen hpyen shiga lawk tsun da ai re.
Myitkyina Monyin lapran wanleng lam deng (89) galu ai kaw na, deng 37 hpe gaw a tsawm sha gram lajang ngut sai rai nna, Mogaung hte Myitkyina lapran wanleng ding yang na hkawm sa taw sai hpe chye lu ai re.
Ya naw matut na naw gram taw ai shara gaw Mogaung hte Monyin lapran kaw gram taw ai gaw,
Namma Myothit kalay lapran na မိုင်တိုင် 645 kaw du sai lam chye lu ai.
Myitkyina hte Monyin lapran Wanleng lam hpe du wa na July shata kaw na lu jai lang hpang wa hkra shakut galaw taw ai hpe chye lu ai.
2021 Ning Myen Hpyen Daru magam zing kau ai hpang, Myitkyina Mandalay lam Wanleng n hkawm mat ai gaw dai ni ten du hkra rai nga ai re.
Hpyen Asuya hpe n ra na shawng ningnan CDM galaw ai lam hta, Wanleng magam gun ni jau dik CDM shang wa ai hpe chye lu ai.
Gumshem Myen hpyen hpe n ra sharawng na, Wanleng magam gun yawng CDM shang mat ai majaw, Wanleng tsep kawp n hkawm mat ai mung rai nga ai.
Maning kaw na Salang Hkyet Hting Nan gaw Jinghpaw mung kata madang kaw wanleng hkawm sa lu hkra nga nna, woi shakut galaw wa ai re lam chye lu ai.
Maning kaw na Myitkyina Mogaung Wanleng lam hpe gram ngut nna, Wanleng nan mung hkawm sa taw nga sai re.
