Manmaw mare kaba, mung shawa tsirung hte shingan tsigawk ni hta si sarawun ni n nga ai majaw, ma hkum kanu ni hte machyi makaw hkrum ai ni tsi tsi hkam na matu yak nga ai lam chye lu ai.
Tsi sarawun ni n nga ai majaw, ma hpe ga shangai la ra ai ma hkum kanu ni lawan n lu ga shangai na, ma langai si mat ai nga, ginra masha langai KNG hpe tsun ai.
“Nye myi hte nan mu ai ma hkum num langai wa ရိုးရိုး nlu Shangai na le emergency ga la ra ai wa, tsi sarawun nnga na nlu ga la ai da ma gaw ရေမွှာမွန်း na si mat ai.” nga tsun ai.
Manmaw mung shawa tsi rung hte shingan tsi rung, tsi gawk ni hta magam gun nga ai ni gaw, Manmaw deng 4 Examination Center kaw nga ai Myen hpyendap na tsi sarawun ni re lam chye lu ai.
Raitim, Myen hpyendap daru magam zing kau ai hpang CDM shang mat ai ni nga ai zawn, Non CDM tsi sarawun nkau ni mung March shata praw 7 ya KIA pawng hpawm dap ni operation galaw hpang wa ai hpang, n sa mat sai lam chye lu ai.
“Sarawun nkau gaw hprawng mat sai gaw, ya ngam taw ai sarawun ni mung myo de ndat sai npru shangun sai. shanhte kaw mung majan kaw hkra hkala ai ni law wa na aten tup yu ra na she nre i shinggan de n pru mat sai.” Dai majaw gara tsi rung sa tim tsi sarawun n nga ai ngu tsun ma ai,” nga nna kaga buga masha langai tsun ai.
March shata hprawng mat ai Non CDM tsi sarawun ni, Phyo Han Oo (X-ray hpaji ninghkring), Khai Thita Aung (ma tsi sarawun), Dr. Dr. Min Maoko (anesthesiologist) hte Dr.Wa Wa Min (na, n-gup hte n-gup hpaji ninghkring) re nga gìnra masha ni tsun ai.
Dai majaw, ya ten Manmaw mung shawa tsi rung hta Nurse marai 5 daram sha nga nna, Private Tsi Rung kaw gaw, Dr. Sit Yan Naing (ma shangai/num tsi sarawun: OG) langai sha kalang marang sa ai nga ginra masha ni matut tsun ai.
Manmaw ginra ting gaw, hpyendap daru magam zing kau ai hpang ginwang ting ngu na daram gasat gala byin nga ai re.
Ya na zawn mung shawa ni tsi tsi hkam la na yak taw hta n-ga mare grup yin hta mung majan laja lana byin nga ai hte phone hte internet line ni mung pat hkrum da ai re.
Bai n-na hpyen masa a majaw, malu masha htaw shanglai ai lam ni mung pat da hkrim ai majaw mung shawa ni lam amyu myu jam jau hkrum taw ai nga ginra masha ni tsun ai.
