Myitkyina mare kaba hta Lai wa sai 2 ya laman laknak kaba 3 lang hkrat kapaw ai lam, ginra masha ni tsun ai.
August 28 ya hte 31 ya shani Myitkyina Shwe Nyongpin lawk hte Kanoi sun lawk kaw laknak kaba 3 lang hkrat kapaw sai lam, Myitkyina na Kanu num langai KNG hpe tsun ai.
“28 ya shani Shwe Nyongpin laak Miwa Jawng nga ai lawu maga de langai hkrat ai,ကြက်ပေါင်ခြံ lawk mali hka makau langai hkrat ai.” 31 ya shani ကြက်ပေါင်ခြံ lawk Gorahka Nawku Jawng makau kaw langai hkrat ai,” nga tsun ai.
Shwe Nyongpin lawk Miwa laika sharing Jawng hpang kaw hkrat kapaw ai laknak kaba majaw, mung Shawa dum nta langai chyinghka yawng agrawp mat ai lam chye lu ai.
Raitim dai nta kaw masha n nga ai majaw hkra hkala ai lam n nga ai lam chye lu ai.
Dai hte maren, Gorahka Nawku jawng makau kaw kapaw ai laknak kaba hte Kanoi sun lawk malihka makau kapaw ai laknak kaba mung, mung Shawa hkra ai lam n nga ai.
Kanoi sun Lawk, Myen hpyendap USDP party rung hta May shata kaw nna laknak kaba shadun da nna gap taw ai lam chye lu ai.
Ya na zawn Laknak si hkrat kapaw ai majaw Miwa jawng lung nga ai ma kanu kawa ni myit tsang nga ai hte maran makau grup-yin na hpyenyan mung Shawa ni mung myit tsang nga ai lam Myitkyina na kanu num matut tsun ai.
“masha nga ai de n gap yang kaja ai. Ma ni jawng sa jawng wa mung tsang ai . Bai nna ndai grup yin hta majan kaw na hprawng koi yang wa ai hpen yang masha ni mung law ai,” nga thun ai.
July 21 ya shani kaw nna Jinghpaw mung ting hta telephone hte internet line ni pat kau ai hpang Myen hypen dap gaw Myitkyina kata laknak kaba ni gap shadam nga ai zawn, shana shagu drone hte pyen gayin hkawm ai nga nna, Myitkyina na PDF ningbaw langai KNG hpe Tsun ai.
“Shani de gaw nhtoi htoi ai majaw nmu lu ai. Shana du sai nga yang mu lu sai. Shana tup patrol galaw ai, ndai laman laknak kaba ni bai gap hpang wa sai. “ nga tsun ai.
Dai majaw Myitkyina kaw ndai laman hkrat kapaw taw ai laknak kaba si ni gaw Myen hpyendap gap taw ai re nga shi matut tsun ai.
