Hpakant Lawnghkang mare, Hprim hpram gat sa wa ai, amyu shayi lahkawng hpe Lawnghkang Tsirung kaw dung ai Myen hpyen dap ni hkap gap ai majaw, mung shawa marai lahkawng hkala hkrum wa ai nga, Hpakant ginra masha ni tsun ai.
Mani hpawt ( October 22) ya jahpawt maga hkying 3:30 ten daram, Lawnghkang manap gat (แแญแฏแธแแแแบแธแ แปแฑแธ) de sa wa ai mung shawa amyu shayi marai (2) dai hpyen dap makau kaw sengke sau ma mat nna, sengke kanawng taw ai ten, Tsirung kawng na Myen hpyen ni sinat gap bun wa ai masa re lam ginra masha langai KNG de ndai zawn tsun dan ai re.
“Dai hpawt manap jau Lawnghkang (แแญแฏแธแแแแบแธแ แปแฑแธ) de sa ai Myen num lahkawng hpyen dap shawng kaw du yang sengke sau ma mat ma ai da. Sengke kanawng taw yang hpyen dap kawng de na sinat gap bun wa ai, si hkra gaw n re, sha hkala ai, Myi a tsawm rai n mu ai ten re nga yang shan hte mung hpa mi shadu ai kun? Lagut gaw bai sawng si, sengke kanawng taw ai bai rai yang gaw n tsen yang mung n tsen na zawn she n rai na i?” nga tsun ai re.
Hkala hkrum ai amyu shayi lahkawng gaw asak 40 ning re ai, แแญแฏแธแแญแฏแธแแฝแแบแธ sinda kaw pala hkra nna, hkala hkrum ai rai nna, Shayi แแผแแทแบแแผแแทแบแแญแฏแธ lagaw kaw gap hkra ai majaw hkala hkrum wa ai rai nga ai.
Ya ten dai amyu shayi yan gaw, ni nawn ai tsirung tsi gawk hta tsi tsi hkam la taw sai lam matut chye lu ai re.
Lawnghkang tsi rung kawng kaw dung ai Myen hpyen hpung ni gaw, lai sa lai wa mung mare masha ni hpe ladu lai san jep ai lam jahkring hkring galaw ai shara re ai sha n ga, mung shawa ni kaw na manu dan ai arung arai ni hpe jahkring hkring hkap mya la kau ya ai shara mung rai nga ai.
Myen hpyen maga ya na zawn mung shawa ni hpe ladu lai san jep ai sha n ga, ya na zawn n tsen n hten ai ni hpe sinat hkap gap bun ai majaw, mung shawa ni hkrit let hkrai hkam sa ra ai lam mung rai nga ai.
Ndai masa lam hku rai yang, แแญแฏแธแแแแบแธแ แปแฑแธ mung gadai n gwi sa na gau ngwi ngwi gaw pat mat wa mai ai lam, ginra mung shawa ni tsun maram tawn ai re.
