Lawnghkang Mai Tsi Gawk the Uru Sut Aung Hotel na Mung Shawa ni hpe Myen Hpyen Dap Rim Woi
Lawnghkang Mai Tsi Gawk kaw bungli galaw nga ai Mung Shawa ni hte Uru Sut Awng kaw hkringsa nga ai Mung Shawa ni hpe Myen Hpyen dap ni mana rim woi mat ai lam chye lu ai.
Mana hkying 10 chyen ten daram hta, Lawnghkang, San Hka mayan de hpyen shamu shamawt hkawm ai Myen hpyen hpung hte Pyithutsit ni gaw, Lawnghkang Awng Ra lawk na Mai Tsi gawk hpe shang rim ai hta dai kaw bungli galaw nga ai Sarawun ni, Nurse Sarama ni yawng marai 21 hpe rim woi mat ai nga, ginra masha langai KNG Shiga dap de n dai zawn tsun dan wa ai re.
“Mana hkying 10 ram hta rai ang ai, Sanghka Mazup Yang maga de gale ai Awngra lawk na Mai Tsi Seng hpe shang rim ma ai da, hpa majaw shang rim ai gaw n chye ai, dai kaw na Sarawun Yaza Htun hte Sara Ko Hein Htet Zaw hte Sarama marai 8, dai kaw ra mara bungli galaw ai masha marai 9 yawng marai 21 hpe rim woi mat ma ai,” nga tsun dan ai re.
Dai ten laman hta sha, Lawnghkang Uru Sut Awng Hotel kaw manam nga ai Manam marai 11 hpe mung rim woi mat ai lam nga ai hpe matut chye lu ai re.
Uru Sut Awng Hotel na rim woi mat ai ni gaw, Manager Slg Zau Nan the rau Hotel kaw magam gun nga ai, magam gun marai 5 hte n ta htingbu makau na phone wan sa bang ai la kasha langai hte dai kaw sa manam yup ai marai 10 yawng marai 16 hpe rim woi mat ai lam chye lu ai.
Lawnghkang Mai Tsi gawk hte Uru Sut Awng Hotel na rim woi mat ai mung shawa ni hpe ya ten du hkra rai n dat ya shi ai rai nna, Hpa majaw rim woi ai ngu hpe ya ten du hkra a tsawm tup hkrak n chye lu ai re.
Lawnghkang Mai Tsi Gawk the Uru Sut Awng Hotel ni gaw, dinghkrai hpaw da ai Tsi gawk ni rai nna, gadai gara wuhpung the mung matut mahkai ai lam n nga ai Tsi gawk re lam chye lu ai.
Lawnghkang Awng Ra lawk Htun Tauk Sauseng Shingdu na lashu Kawng kaw Myen Hpyen ni shara la nga ai hpe KIA Drone bawm sa jahkrat bun ya ai hpang, ya na zawn mara kata mung shawa ni hpe rim ahkyak la wa ai masa lam re nga, ginra masha ni tsun maram da ai re.
Hpakant ginra de lai wa sai April shata kaw Pyithutsit hpyen manam ni du shang wa ai hpang, mung shawa ni hpe ladu lai san jep ai lam ni galaw ai sha n ga, mara kata rim jep ai lam ni galaw taw nga ai nga, ginra masha ni tsun ai re.
Hpakant de Myen hpyen n gun shani shagu jat taw ai majaw, KIA masat (6) Dapdungk aw na, Kamaing – Namya – Hpakant lam hpe dai ni April 22 kaw na n htoi n masat gan pat ai lam n dau da ai re.
Ra ahkyak ai lam nga nna, lama hkawm ra ai lam nga yang, Gwihka Indawnawng maga lam hku na hkawm sa na lam, KIA hte ni nawn ai nit sun sadi jaw da ai re.
