Manmaw htim gasat ai, dai ni rai yang, Shata 9 hpring sai rai tim, Majan laja lana matut gap gasat hkat taw nga ai re.
Shata 9 laman hta Manmaw muklum kata na Myen Hpyen Dap shara law malawng hpe Pawng hpawm dap maga htim gasat zing madu da lu ai rai tim, Myen Hpyen dap daju Ts.K.Hk 21 hte Hk.L.Y 47, Manmaw Dakkasu jawng wang ni hpe gawn dai ni ten du hkra n lu gasat zing ai majaw, majan ding yang na shani shagu naw gap gasat hkat taw nga ai re lam shawng lam hpyen magam gun langai KNG de tsun dan wa ai re.
“Manmaw gaw nut nga ding yang re, Myen ni n dai laman shani shagu nbungli hte wa gap taw nga ai, Drone mung lani mi, 20 lang the 50 lang lapran nga ai, nut nga ding yang re,” nga nna tsun dan wa ai re.
Lai wa sai August Shata praw 1 ya shani Myen HPyen Hka Sanghpawli ni Manmaw de du ai hpang, Myen ni bai htu htim gasat wa ai gaw, dai ni ten du hkra rai nga ai re.
Lai wa sai Shata Manmaw kaw du nga ai sanghpaw hpung ni n dai laman bai yu wa na matu hkyen nga ai lam chye lu ai.
Manmaw Htawng kaba hpe Myen Hpyen dap ni shana de shagu hpaw ya nna, Htawng masha ni hpe, Mung shawa dum n ta hkan na arung arai ni hpe, Sanghpawli n tsa hpai mara shangun ai lam ni galaw taw nga ai lam, Salang kaba langai KNG de ndai zawn tsun dan wa ai re.
“Manmaw kaw, ya n dai laman shana de shagu htawng chyinghka hpaw ya taw nga ai, htawng masha ni hpe, mung shawa dum n ta hkan na arung arai hkan lagu hpai shangun na, Sanghpaw n tsa hpai mara shangun taw nga ai,” nga tsun dan wa ai re.
Ya ten Manmaw muklum kata Mung shawa ni gadai mung n nga mat sai dum n ta hkan na arung arai ni hpe Myen hpyen dap ni hka sanghpaw hte lawu ga de htaw la na matu hkyen taw nga ai lam mung rai nga ai.
Manmaw majan Shata 9 na ai hpang, Manmaw muklum kata na dum n ta tsa htam shadang 80 daram yawng hten za mat sai re.
Myen Hpyen dap hte ni nawn ai hkan na dum n ta ni gaw la hpa n nga mat hkra yawng hten ayai mat ai hpe mu lu ai re.