Putao Machyang Baw ginwang, Nam Sabum mare hta ladu lai Ja htu sha ai majaw, prat ban hte ban galaw lu galaw sha wa ai hkau hting hkau na, Hka Shi Hkanu lam ni yawng hten za ma sai lam ginra mashan ni tsun dan ai re.
Putao Mare kaba a sinpraw maga Deng 10 daram tsan ai, Nam Sabum mare kaw Mare salang hte Pyithutsit ni pawng na, Ja htu lauban ni hpe lamu ga dut garan jaw rai Ja htu na ahkang jaw da ai majaw, dai ginra na yi sun hkauna lamu ga ni yawng hten ma taw sai nga, ginra masha langai KNG de tsun dan ai re.
Putao Mare kaba a sinpraw maga Deng 10 daram tsan ai, Nam Sabum mare kaw Mare salang hte Pyithutsit ni pawng na, Ja htu lauban ni hpe lamu ga dut garan jaw rai Ja htu na ahkang jaw da ai majaw, dai ginra na yi sun hkauna lamu ga ni yawng hten ma taw sai nga, ginra masha langai KNG de tsun dan ai re.
“Dai ginra gaw moi kaw na hkauhting hkauna hpe hkrai machyu na galaw lu galaw sha wa ai rai nga ai, Ya ndai hku ja htu sha kau ma yang gaw,mare pyi n mai de sai, galaw sha na shara n nga sai gaw,” nga tsun dan wa ai re.
Dai ginra ni gaw, moi lai sai ten, prat ban hte ban, Hkau hting hkau na hpe hkrai machyu shingbyi let galaw sha hkrat wa ai shara ni hpe ya na zawn ja htu sha nna, jahten kau ma ai rai yang, du na ten na kashu kasha ni dai ginra hta galaw sha shara n nga, kan bau bungli a matu yak hkak mat sana re lam ginra masha ni matut tsun madi madun da ai re.
Dai ginra hta ya na zawn ladu lai ja htu sha kau ma ai majaw, galoi mung hka n hkyet yu ga ai, mare num shang kaw na hka shi hka ni yawng hkyet taw sai lam matut tsun dan ai re.
Dai zawn Ja htu sha taw ai majaw, Hka Shi Hka ni yawng hkyet ma sai sha n ga, Hkau na lamu ga ni yawng mung hten za ma sai majaw gaw, dai ginra prat ting galaw sha n mai sai hpe yu na myit n pyaw ai lam matut tsun ai re.
Dai ginra na hkauna lamu ga Eka 200 ram nga ai kaw na law malawng yawng ngu na ram hpe dut sha kau sai majaw, hkauna lamu ga Eka 20 ram sha ngam mat sai hpe chye lu ai.
Dai ginra na Hkauna lamu ga ni hta Ja pru shadang hta hkan na, Eka mi Sen 500 ram hte Ja htu lauban ni hpe dut jaw na htu sha shangun ai re lam chye lu ai.
Nam Sabum mare kaw ja htu sha ai lam hpe lai wa sai 2024 ning June shata ram kaw na Back Hold jak kaba ni hte htu sha hpang wa ai mung rai nga ai.
Dai ginra hta Ja htu ai lam gaw madung Myen hpyen du kaba ni hte Pyithutsit ningbaw ni lamu ga dut sha na, Ja htu lauban ni hpe lamu ga dut jaw na htu sha shangun taw nga ai lam mung rai nga ai.
