Majan ShigaShiga

Sagaing Indaw Mare Majan matut laja nga

Jinghpaw mung hte Sagaing jarit na Indaw mare kaba a shawng lam dap  shara lahkawng hpe KIA woi awn ai pawng hpawm dap maga na htim gasat zing madu da lu sai lam chye lu ai.

Shawng lam dap shara lahkawng hpe January 27 ya shani htim gasat zing lu ai hpang matut naw ngam ai byuha dap kaba hpe naw gasat shagrawt taw nga ai lam chye lu ai.

Ya htim gasat zing madu la lu ai dap shara lahkawng gaw ဂျပန်လှိုဏ်ဂူ ngu ai shara hpe shim lam la da ya ai shawng lam dap shara lahkawng re lam chye lu ai.

Indaw majan gaw laja nga ding yang re, ma hkra hpe gaw rai n lu zing shi ai, lu zing ai gaw shawng lam ကာကင်း dap kaji lahkawng re, madung gaw drone hte gasat hkat na lu zing la ai ga rai nga ai,” nga Shawng lam magam gun amyu shayi langai tsun ai re.

Indaw mare kaba yawng hpe gaw rai n lu zing shi shi na Byuha dap kaba naw ngam ai lam chye lu ai.

Sagaing Indaw mare hpe htim gasat ai hta Myen hpyen dap maga na nbungli laknak kaba ni the gap sharu bun ai majaw, mung shawa hkra hkala ai lam ni mung nga wa ai re.

Indaw majan laja taw ai rai tim, Myitkyina Mandalay lam pat ai lam n nga, shawoi lai ai lam kaba hku na ding yang matut naw lai taw ai nga, ginra masha ni tsun ai re.

Related Articles

Back to top button