Mung Mare Masha Ni Machyi Law Wa Ai Majaw KIA htim gasat zing madu da lu ai, Aung Mye (1) Nlung hka kaw na bai hting nut
Aung Mye (1) Aung Mye (2) mare hta pat hkrum taw nga ai mung shawa ni jam jau sawng wa ai majaw, KIA htim gasat zing madu da lu ai, Aung Mye (1) Nlung hka kaw na bai hting nut mat wa ya sai lam chye lu ai.
KIA htim gast zing madu da ai Waimaw Aung Mye (1) mare na nlung hka pyithutsit dap de Myen hpyen dap maga na nbungli hte laja lana sa htim gasat bun taw nga nna, mung shawa jam jau law wa ai majaw, KIA dap maga bai hting nut yen kau da sai lam chye lu ai.
“Mare kaw Mung shawa ni pat hkrum taw ai ni grai law ai, madung grau na gaw Aung Mye (2) kaw na mung shawa ni lu hka hte malu masha grai yak wa ai majaw, gan yen kau da ya ai ga rai nga ai,” nga Sama ginwang na hpung magam gun langai KNG de tsun dan ai re.
Aung Mye (1) hte Aung Mye (2) hta mung mare masha n kau pat hkrum taw nga ai ten, Myen hpyen dap maga de na nbungli hte dai ni ten du hkra laja lana wa htim gap bun taw nga ai re.
Dai shara hpe KIA dap maga March shata praw 8 ya shani htim gasat zing madu la lu ai hpang, Myen hpyen dap maga hpyen n gun kaba, nbungli ni hte laja lana wa htim gap gasat taw nga ai majaw, March 11 ya shana hkying 6 daram hta hting nut kau da ya ai re.
March 12 ya shani Aung Mye (2) hta pat hkrum taw nga ai, mung mare masha ni hpe Nawku hpung ningbaw ni sa woi shaw ai ten, Myen hpyen dap maga ahkang n jaw ai sha, nbungli laknak kaba ni hte laja lana matut gap gasat wa ai re.
