Hpakant Mana maw na Ko Cho Lung Seng company wang na, hkum pup nawng gyi ru hkrat wa ai majaw, lung seng htu nga ai mawdaw Back Hold hte hpawn masha marai 30 hkawt si ai re lam chye lu ai.
March 12 ya, jahpawt manap jau hkying 3 daram aten, Hkumpup lawng gyi ru baw wa ai hta, ya na zawn mung shawa marai 30 jan asak si sum wa ai re nga tsun ai.
Dai hkum pup nawng gyi hkang hkang taw ai တိုင်ကျန် nhkun hpe sa htu dat ai majaw, gyi ru hkrat wa ai re nga dai ginra na karum ningtum hpung ni tsun ai re.
Dai company wang hta lung seng htu nga ai, Bawm sara marai 6 kaw na marai 4 hkala sawng wa nna, Hpakant mung shawa tsi rung hta htaw sa da ai lam chye lu ai.
Hkum Pup nawng gyi ru kaput ai hta, Back Hold 10, Mye za htaw mawdaw 20 jan kaput mat nna, ya ten du hkra, rai n lu shaw la shi ai re.
