Manmaw muklum kata na NLD Party mungdaw rapdaw datkasa Slg Zaw Tin a nta hpe dat si jaw nna wan sa nat jahten kau ya ai lam ginra masha ni kaw na chye lu ai.
January 24 ya jahpawt jau hkying 1 daram hta mying n chye ai masha wuhpung ni kaw nna dat si ru bun nna, sa nat kau da ya ai re nga tsun dan ai re.
Nta wan hkru ai hkying hkum 3 jan ai hpang, wan sat mawdaw 3 du wa nna, hpa n ngam mat sai n ta hpe hka sa jaw sat ai lam galaw ai re.
Wan nat hkrum ai mungdaw rapdaw dat kasa Slg Zaw Tin a nta gaw Manmaw Nau Hku lawk Myen hpyen dap Ts.K.Hk 21 dap hte ni shara re lam matut chye lu ai.
Dai nta hpe lai wa sai 2022 ning May shata 24 ya shani hta Myen hpyen dap ni sa zing pat kau ya ai re.
Slg Zaw Tin gaw 2015 ning hte 2020 ning hta NLD Party mungdaw rapdaw datkasa lata hkrum ai dat kasa salang re.
Dum n’ta sa nat ai hta gadai gara wuhpung ni sa nat ai ngu hpe a tsawm tup hkrak n chye lu ai re.
Myen hpyen dap daru magam zing kau ai hpang, NLD party a rapdaw datkasa nta law law hpe Myen hpyen dap zing da ai re.
