Shiga

Lunghkang Tsi Rung Kata Arung Arai Mahkra Lagu La Hkrum

Lunghkang mung shawa tsi rung kata na arung arai hte, hpri tsut hpri pa ni yawng hpe, Kani ya ni lagu la taw ai majaw, hpa n nga mat sai lam, ginra masha ni tsun ai.

Myen hpyen dap daru magam zing kau ai hpang, tsi du, tsi saranum ni yawng CDM shang mat ai majaw, pat da ra ai Lunghkang ninghtawn tsi rung wang kata na, arung arai, hpri tsut hpri pa ni hpe kani ya ni lagu shaw dut sha nga ai majaw, tsirung kata hpa n nga ma sai lam dai ginra na mung shawa langai KNG shiga dap de tsun dan ai re.

“Lagu ai gaw Kani ya ni rai nga ai, shawng e gaw shana naw sin yup ai, hpang e na wa yang gaw gadai mung n lu lit la wa ai majaw, dai hku tawn da ai kaw, kani ya ni dai hku sa lagu taw ai ga rai nga ai, kata de hpa n nga sai. Shana she sa lagu gu re re nga yang gaw gadai mung n mu dat dat rai,” nga tsun dan ai re.

Sa lagu shaw dut sha ai ni gaw, kani ya ni rai nna, dai kaw shana n lu sin yup mat ai majaw, ya na zawn lagu shaw dut sha ma ai re lam chye lu ai.

Ninghtawn tsi rung hpe lai wa sai 2021 ning kaw nna, pat kau ai rai nna, dai pat kau ai ningnan daw hta tsi rung wang sin ai masha tawn da lu ai rai tim, hpang daw n lu tawn mat ai hpang, ya na zawn lagu shaw dut sha ma wa ai re lam chye lu ai.

Kani ya ni shana aten sa lagu ai majaw, gadai mung nmu n chye kau dat re ai majaw, ya na zawn yawng lagu shaw dut sha ma wa ai re lam tsun ai re.

Lunghkang ninghtawn tsi rung hta, machyi masha marai 50 shang ai tsi rung tsi jaw gawk re lam chye lu ai.

Hpakant ginra hta, kani nanghpam lu sha ai masha lani hte lani grau grau law jat wa nga ai rai nna, lagu lagut damya mya ai ni mung grau sawng wa nga ai re lam chye ginra masha ni tsun ai kaw na chye lu ai.

Related Articles

Check Also
Close
Back to top button