Myitkyina-Manmaw lam kaba n tsa Japu mare hta July 19 ya shani rim hkrum ai mung shawa marai 3 bai lawt pru wa sai re.
Mungshawa marai 3 rim woi hkrum ai hpang, hpyen yen dabang hte Nawku hpung hkan na lit nga ai Salang ni seng ang ai de, lawan bai dat ya na matu, lam tam hpyi shawn ai hpang, ya na zawn bai lawt pru wa ai re lam chye lu ai.
Dai rim hkrum ai marai 3 gaw, Mungna hpyen yen dabang hta nga ai ni rai nna, July 19 ya shani Japu mare yi sun wa kawan ai ten, shawng lam Myen hpyen dap hte hkrum na rim woi hkrum ai re lam chye lu ai.
Dai rim hkrum ai marai 3 hpe Myen hpyen dap ni shawng lam shara ni de hpyen ning gang shatai woi hkawm nna, bai dat dat ya ai re lam sagawn chye lu ai.
Japu mare hta nga ai, Slg Maru Yaw Sau mung dai ginra hta yi sun galaw nga ai ten, Myen hpyen hpung ni a kajawng pru ai majaw, hprawng yen ai ten, KIA maga hkam da ai Bawm kabye kapaw la hkrup ai majaw, hkala hkrum wa ai lam chye lu ai.
Lai wa sai July 18 ya shani hta mung, Dabak mare na mung shawa marai 5 hpe Myen hpyen dap ni rim woi mat nna, hpang shani bai dat dat ya ai lam chye lu ai.
