Danai, Lido lam Jahtu Zup mare Min Zin Thant pyithusit wuhpung hpe Wunpawng Mungdan Shanglawt Hpyendap KIA Dung 14 ni dai hpawt hkying 4 daram hta sa gasat ai lam chye lu ai.
“Dai hpawt hkying 4 daram kaw na byin ai. Marang grai htu taw ten re. Min Zin Thant n’ta kaw nan laknak kaba ni sa gap ai. KIA ni sa gap ai hte Pyitutsit ni mung Kahtawlik kyuhpyi bum kaw na mungshawa ni nga ai de laknak kaba ni gap bang nga ai re. Mungshawa ni mung hkra hka la ai lam nga na re. Raitim ya du hkra hpa nchye shi ai. Majan gaw ya du hkra byin taw ai” nga nna Jahtu Zup ginra masha langai KNG hpe tsun ai.
Jahpawt hkying 8 du hkra, lahkawng maga gasat poi laja lana byin taw nga ai rai na, mungshawa hkra hkala ai lam nga na re tsun ai raitim, phone line nkau di pat da re majaw, atsawm hkrak nchye lu shi ai re.
KIA wuhpung hku na Min Zin Thant a dum n’ta hpe sa gap gasat ai 2 lang rai nna, laiwa sai 2021 May shata kaw shawng sa gap gasat ai hta KIA maga marai 4 si sum ai lam nga ai re.
