lamu gaShiga

Laiza grup yin hkashi ni hta maza hta ai lamang galaw

Mungkan hkashi Hkanu masat n htoi hpe, Laiza mare kata hkashi ni hta maza hta ai lamang hku nna galaw wa ai lam chye lu ai.

Ndai lamang hta Laiza Municipal, CSO magam gun ni hte Mung shawa kanu kawa ni jawm galaw wa ai rai nna, dai lamang hta mung shawa yawng marai 300 jan sa du shang lawm ai lam chye lu ai.

KIO uphkang ginra, Laiza makau grup yin na Hkashi Hkanu ni hta Plastic maza mala law taw nga ai hpe shayawm wa lu hkra hte, Hka de maza n kabai bang na lam hpe hpaji jaw ningmu jahpaw mayu ai lam a majaw, n dai lamang hpe woi galaw ai re lam, Htoi Gender and Development Foundation Director Srn Nbau Nang Pu tsun ai re.

Myen hpyendap daru magam zing kau ai hpang, mung masa shamu shamawt ai mungshawa ni Laiza de du wa ai hpang, shaning shagu, ndai zawn lamang ni hpe galaw nga ai re.

Related Articles

Leave a Reply

Your email address will not be published. Required fields are marked *

Back to top button