Danai e rim hkrum ai ramma marai 29 hpe tara masat 17/1 hte jewat na matu dawdan

Wunpawng Mungdan Shanglawt Hpyendap KIA dapba 2 ginra kaw na pru wa ai ten, Danai gate e rim hkrum ai ramma marai 29 hpe tara masat 17/1 hte tara jewat na matu hkyen nga sai lam chye lu ai re.

asak 20 ning npu law malawng lawm ai ramma marai 29 hpe May shata 15 ya shani Danai shang wa ai gate hta rim jep woi la ai rai nna, Danai 318 hte 238  hte 86 dap ni hta rim jep ai re lam chye lu ai re.

Shanhte hpe shata mi daram jep ngut ai hpang, tara jewat na matu mani June 11 ya shani Pyada dap de ap sai ndai amu manghkang hte seng nna kata lam chye tawn ai mungshawa langai tsun dan ai re.

rim hkrum ai marai 29 hta Warazup mare na marai 4 hte Nawng mi na marai 25 rai nna, La kasha marai 19 hte Num kasha marai 10 re hpe Danai Pyada dap a jahpan kaw nna chye lu ai re.

‘San jep ai ten grai zing ri hkrum ai majaw, ramma marai 8 si mat ai nga’  gaw njaw nteng ai majoi mawng ai shiga re lam chye lu ai.

Ramma marai 29 a Mying hte asak hpe ndai link hta matut hti mai nga ai.

https://kachin.kachinnews.com/2021/05/16/rim-hkrum-ai-ni-a-jahpan/ 

Read Previous

Danai e rim hkrum ramma marai 29 hta, asak 20 ning npu grau law

Read Next

KWAT: Myen hpyendap mung shawa ni hpe sat nat ai hte matai htang

Leave a Reply

Your email address will not be published. Required fields are marked *