Daw Hpum Yang de lung wa ai Myen hpyen mawdaw hpe Numlang mare lahta e, Wunpawng Mungdan Shanglawt Hpyendap KIA kaw nna May 10 ya shani hkap gap ai lam chye lu ai.
Dai mawdaw hkap gap ai hta Myen hpyendap maga machyi hkala ai lam law law nga ai rai nna, minute 30 daram gap hkat ai lam mung byin wa sai re.
Alaw Bum hte ni ai Daw Hpum Yang mare de Myen hpyendap gaw May praw 10 ya lani mi sha, hpyen n gun 600 daram wa la da ai rai nna, Myothit, Kunglaw de mung hpyen n gun sa da ai re.
Dai majaw ya ten hta Alaw Bum hpe gasat na matu Myen hpyendap gaw hpyen n gun hkying mi jan sa da ai lam chye lu ai.
