Shiga

Dum nta wa na hpyen yen ni hta hkamsha lam nbung

Jinghpaw Mungdaw hpyen yen ni dum nta bai wa ai hta KHCC hte asuya galaw ai masing lahkawng lapran hpyen yen ni a hkam sha lam nbung ai hpe mu lu ai re.

“hpyen yen ni langai hte langai hkam sha lam nbung ai majaw myit npyaw ai lam byin nga ai. Asuya kaw na pyi hpyendap NaTaLa woi awn nna Sadung kaw galaw da ai nga yang sen 70 daram nga ai. KMSS hte anhte KBC a jahkrup nna sen 40-50 lapran hta galaw ga ngu myit hkrum da ga ai.” nga nna KHCC ningbaw Rev.Dr.Hkalam Samson tsun ai re.

KHCC masing kata KBC hte KMSS wuhpung yan galaw ai dum nta langai hta sen 40 group yin hkrat ai rai nna, Miwa asuya garum ai gumhpraw hte Myen asuya hkrang shapraw galaw ai hpyen yen dum nta langai gaw sen 70 daram hkrat ang na re hpe chye lu ai.

Asuya kaw nna galaw ya na rai nga ai Dabak, Da Law hte Namsan yang mare 3 hta htinggaw 200 daram nga ai re. Dum nta ningnan hpe sen 70 jan hte galaw na rai nna, gram ai dum nta a matu sen 20 hte 30 lapran jai na re lam mungdaw asuya tsun ai re.

KHCC chyawm gaw shawng e hkyen da ai gahtawng 17 hte ya bai jat ai yawng pawng, gahtawng 30 jan hpe 2021 hta wa lu hkra hkyen nga ai lam chye lu ai.

Ya na zawn hpyen yen ni bai  nhtang wa ai lamang hta, dum nta galaw ai shaloi, shadaw n-ngang ai majaw, shaning kade nna yang tsam hten mat na hpe myit tsang ai lam hpyen yen ni tsun ai re.

Related Articles

Leave a Reply

Your email address will not be published. Required fields are marked *

Back to top button