Shiga

Dabak mare hta Christmas hte Chyeju dum poi galaw

10 ning jan hpyen yen kau da ai hpang, Dabak mare masha ni gaw shawng ningnan lang tinang mare wa hkyen jasan nna Christmas hte Chyeju dum Poi galaw wa sai re.

Shanhte a matu shaning ningnan kaw nna dum nta gap ai lam ni galaw sana re majaw, mare hpe gaw ya ten hkyen jasan ngut da sai rai nga ai.

Dabak mare hta bawm jasan jaseng ai lam yawng ngut kre da sai lam Myen hpyendap gaw December 21 ya shani ndau ai re.

Raitim mare kata hte grup yin shara nkau hta sha, bawm seng da ai majaw, n tsen hpa lama ma mu wa yang, sadi maja let, seng ang ai de shana na matu shadum da ai lam chye lu ai.

Dum nta wa lu ai majaw kabu ai raitim, asuya Myen hpyendap hte Wunpawng Mungdan Shanglawt Hpyendap KIA lapran gap hkat jahkring ai hte seng nna lekmat htu da ai lam nnga shi ai re.

 

Related Articles

Leave a Reply

Your email address will not be published. Required fields are marked *

Back to top button