Lido lam ntsa Jahtu Zup mare hta 2 ya tup hka tung nga ding yang re majaw, dum nta htinggaw 500 jan hka lim mat nna, nta nkau gaw yawng lawm mat sai lam chye lu ai.
Kawng maga hta lai nna layang de na masha nga ai lawk 4 hta ya ten hka hpyen hkrum nga ai re.
KBC nawku hpung wang e nga ai Hpyen yen dabang mung hka lim mat ai majaw shara bai htawt sit da ai lam chye lu ai.
Jahtu Zup mare hta shawoi kaba tim ndai daram sawng ai lam nnga ai rai nna, ya na zawn byin wa ai gaw mare makau ja htu sha ai majaw re nga nna ginra masha ni myit sawn nga ma ai re.
