Miwa hka dap ‘trainer jet’ shawng n’nan pyen rawt

Miwa hka dap shaman shakyang jet, JL-9. Sumla: China Military

Madang tsaw ai Miwa hka dap ‘trainer jet’ shawng n’nan pyen rawt lu ai gaw ahkyak ai labau masat dingsat langai re nga, pyenli galaw shapraw ai Guizhou Aviation Industry Corporation tsun ai.

Marai lahkawng-jawn, hka dap pilot shaman shakyang jet, JL-9 shawng n’nan pyen hkawm chyam ai lamang hpe May 12 ya shani Anshun Nbungli Daru, Guizhou mungdaw e galaw ai nga nna, May 13 company ndau hta mu lu ai.

Hpyen nbungli htaw sanghpaw ntsa shamu shamawt atsam rawng ai ndai JL-9 jet ni hpe Miwa hka dap, People’s Liberation Army Naval Air Force (PLANAF), a matu galaw shapraw ya ai lam rai nga ai.

Asuya madu ai Aviation Industry Corporation of China (AVIC) a ja gumhpraw madi shadaw ya ai n-gun hte JL-9 hka dap jet ni hpe Guizhou daju GAIEC (Guizhou Aviation Industry Import/Export Company) galaw shapraw ai lam re.

Read Previous

Tank gap laknak kahtap la na Pentagon contract n’nan galaw

Read Next

Mungkan Covid-19 si jahpan 300,000 jan sai

Leave a Reply

Your email address will not be published. Required fields are marked *