COVID-19: Rasha mungkan No.2 law dik de lung

Moscow Covid-19 tsi lajang shara, Rasha.

Rasha mungdan a COVID-19 ana zinli mu jep masha jahpan gaw May 12, bat Lahkawng Ya shani hta U.S. a npu mungkan e No.2 law dik de rawt lung wa sai re.

Myen hpyendap na Moscow kaw hpaji wunkat lung na dat dat ai jawngma ni hta marai (5) Covid-19 ana kap ai lam, ndai shata praw de Myen hpyendu ni tsun shagrin wa sai re.

Rasha Coronavirus Tsinyam Ninghkap Rung a shiga hpe lakap nna bat Lahkawng Ya shani TASS shiga hta, Rasha e COVID-19 Coronavirus ana mu jep masha yawng 232,243 du wa sai rai nna shi a npu Spain gaw 227,436 re lam, tang madun ai.

May 9, Laban shani hta sha mungkan hta machyi masha no.5 law dik rai nga ai kaw nna, hpang shani ana mu jep masha 10,899 bai law wa ai lam tsun ai. Dai hta e bai mai tsai wa ai marai 43,512 rai nna si ai gaw marai 2,116 re nga, Bat Lahkawng Ya shani na TASS shiga hta mu lu ai.

Ana kap bra dik shara gaw Moscow mare daju rai nna machyi masha 121,301 re lam, May 12 Amerikan Johns Hopkins Dakkasu a sawk sagawn shiga hta tang madun ai.

0 Reviews

Write a Review

Read Previous

U.S. Covid-19 si jahpan 80,000 lai

Read Next

Tank gap laknak kahtap la na Pentagon contract n’nan galaw

Leave a Reply

Your email address will not be published. Required fields are marked *