Hpakan, Kamaing ginra masha ni lata hte lung seng htu sha lu na ahkang shawk mai

Hpakan e lungseng htu nga ai amu galaw masha ni

Lata hte lung seng htu sha lu na matu Hpakan hte Kamaing ginra mungchying masat lu ai ni hpe sha ahkang jaw na lam mungdaw asuya kaw nna chye lu ai.

March shata kaw nna bungli hpang mai sai re majaw, myit lawm ai ni gaw February 17 hta ni ai uphkang rung hkan e mying jahpan bang mai sai lam Mungdaw sut nhprang hkringmang salang Dashi La Seng tsun ai re.

ndai lamang gaw ginra masha ni hpe madung tawn ai re majaw, dai ginra hta nga ai ni hpe ahkaw ahkang jaw na re lam matut chye lu ai.

ya ten lata hte lung seng htu sha lu na matu, lawk 376 masat shagrin da sai re.

Raitim ya na zawn lamu ga jahkrat ya ai lamang hpe Munghpawm asuya matsun hte galaw ai rai nna, ginra masha ni a matu akyu nnga, lung seng npru ai shara hta ang na hpe tsang ai re majaw, ginra daju wuhpung wuhpawng ni hte rau tatut galaw gying ai lam Hpakan Green Land wuhpung na Slg. Ying Hkaw tsun ai re.

Lung seng htu sha lu na matu kalang shawk yang aten laning mi ahkang lu na rai nna, lawk langai mi gaw eka mi dam ai lam chye lu ai.

 

0 Reviews

Write a Review

Read Previous

Sara yan hpe bat mi daram matut hkang zing da na masa nga

Read Next

Hugawng Pa ginra masha ni hte Yuzana company lamu ga manghkang bai byin

Leave a Reply

Your email address will not be published. Required fields are marked *