ShigaSimsa lam

Sara yan hpe bat mi daram matut hkang zing da na masa nga

Myitkyina htawng e hkangzing da hkrum nga ai sara yan hpe matut nna bat mi daram naw hkang zing da na masa nga ai lam seng ang ai sara ni kaw nna chye lu ai.

Sara yan hte seng nna mani February 12 ya shani makam masham ningbaw ni, simsa lam akyu galaw wuhpung ni hte rau Myen hpyendap Sa-Ya-Pha wuhpung ni hkrumzup bawngban wa ai lam Rev. La Wawm tsun ai re.

Sara Sumlut Tu Htang hte Rev.Bima Dau Lum yan gaw February praw 5, Rawt malan nhtoi hta woi awn ai lam n-nga tim, Myen hpyendap gaw ntara wuhpung matut ai tara masa 17/1 hte sara yan hpe ahkyak la da ai lam chye lu ai.

Seng ang ai asuya hte matut dingyang bawngban nga ai re majaw, aten loi la ra ai lam Jinghpaw Wunpawng Hkalup Hpung Ginjaw KBC ningbaw Rev.Dr.Hkalam Samson tsun ai re.

Sara yan hpe February praw 6 ya shani pyada dap e woi la nna hkangzing ngut ai hpang, 11 ya shani gaw Myitkyina htawng de bai htawt sit kau ai re.

Sara yan hpe pyada dap kaw nna htawng de htawt sit

 

Related Articles

Leave a Reply

Your email address will not be published. Required fields are marked *

Back to top button