hkum gahtet ai Miwa mungmasha marai 3 hpe mungdan kata n shang shangun

kambaiti ga jarit e jep nga yang, Photo-Thein Myo

Coronavirus ana kanu nbyin hkra jep ai hta Kambaiti ga jarit de shang wa ai Miwa amyusha marai 3 gaw hkum gahtet ai 38 degree C hta jan ai majaw Myen mung kata de shang na ahkang n jaw ai nga nna dai ginra hta du nga ai Waimaw ginwang na asuya tsi du langai tsun da ai re.

Myen-miwa ga jarit kambaiti e ana jep ai lamang hpe mungdaw hkamja dap gaw mani kaw nna galaw hpang nga sai rai nna, Miwa hkran na Myen mung masha marai 300 jan mungdan nhtang wa yang jep lu na matu mung hkyen nga ai lam tsi du Dr. Thein Myo shi a facebook hta ka da ai re.

Bai nna Thermal scanner nlu shi ai majaw, Nay Pyi Taw kaw nna htet da ai lam matut ka da ai re.

Bai nna ga jarit Loije gate hte mungdaw kata nbungli daru ni hta mung jep nga ai lam Jinghpaw mungdaw hkamja dap kaw nna ndau da ai re.

Miwa mung Hubei mungdaw Wuhan mare kaba kaw nna kap bra hpang wa ai, coronavirus gaw ya yang mungkan madang marai 4000 jan kap nga sai rai nna, marai 100 jan si sai lam Miwa mung shiga ni hta mu lu ai re.

 

Read Previous

Danai Ja maw, Pat maw e nhprang htu na lam Myen hpyendap dap awn daju hpe hpyi shawn da

Read Next

ICJ mahtai kade daram tang du na

Leave a Reply

Your email address will not be published.