ICJ mahtai kade daram tang du na

ICJ tara rung shawng

Myen mungdan kata byin nga ai shinggyim ahkaw ahkang tawt lai amu, majan ru hka amu ni hpe hparan na matu Rohingya gabaw hte hkrai nre sha, kaga bawsang ni a lam hpe mung shalawm myit mang yang she byin mai na re nga nna Jinghpaw Amyushayi Hpung Thai Mungdan KWAT tsun ai re.

Amyu shamyit masing galaw nga ai majaw Myen mung hpe Gambia mungdan kaw nna tara jewat da ai lam hte seng nna Pran wan matsun lawng lam 4 hpe January 23 ya shani Nertherland The Hague mare Mungkan tara rung ICJ kaw nna dawdan ai re.

Dai hta e Myen mung hta Rohingya amyusha ni hpe amyu shamyit masing n-galaw hkra asuya kaw nna lajang na, Hpyendap, Pyithusit hte laknak lang wuhpung ni hku nna amyu shamyit masing n-galaw hkra sadi na ngu ai lawnglam ni hpe jahkrat dat ai re.

Raitim mung Myen mung a Shinggyim ahkaw ahkang tawt lai ai amu hte majan ru hka amu ni hpe tara rap ra lu hkra nga yang, amyusha bawsang ni a hkam sha lam hpe mung shalawm myit yang she mai na re nga nna KWAT amyu shayi hpung kaw nna lit nga ai Srn San Htoi tsun ai re.

Raitim mung ndai dawdan ai gaw Rohingya ni a matu sha nrai, Myen hpyendap a majaw shi ning ladaw law law wa tsin yam hkrum sha nga ai kaga amyusha ni yawng a matu mung tara rapra lam lu la ai nhtoi re nga nna, Maigan daju Jinghpaw Wunpawng Amyusha Hpung KNO January 27 ya shani ndau da ai re.

ICJ pran wan dawdan matsun hpe lama nhkan sa yang gara hku galaw na ngu ai tara nlawm ai majaw, myit mada lam nau nnga ai nga nna KWAT na Srn. San Htoi tsun ai.

Kachin State People’s Party KSPP a ningtau ningbaw langai rai nga ai Duwa Gumrawng Awng Hkam chyawm gaw ‘ICJ dawdan lam gaw mungkan a Myen mung ntsa ningmu re majaw, pat hkum shingdang ai lam ni nhkrum hkra, Myen asuya hku nna kaja dik ai hku bai galaw ra ai’ lam tsun ai re.

Rakhine mungdaw dingdung daw Rohingya amyu sha ni hpe Myen hpyendap gaw amyu shamyit masing galaw nga ai lam OIC mungdan ni a malai, Gambia gaw Myen mung hpe 2019 November e ahkyak la da ai re.

Mungdan lahkawng maga amu tang shawn ai lamang hpe December shata e galaw nna, ndai January 23 ya shani gaw Pran wan matsun lawnglam 4 hpe daw dan ai rai nga ai.

 

3 Reviews

Ellopeday
1

Augmentin Vs Amoxicillin EllMida

Buy Kamagra Droga [url=https://abcialisnews.com/#]Cialis[/url] Prix Du Cialis En Belgique Cialis Baclofene Toulouse

Ellopeday
1

Vente De Viagra En Ligne EllMida

Amoxicillin And Clav K [url=https://apcialisle.com/#]buy cialis in canada[/url] Buy Kamagra Dublin Cialis Viagra Klappt Nicht

LesHoft
1

Farmacie On Line Italia LesHoft

Amoxicillin Injections [url=https://buyciallisonline.com/#]cialis order online[/url] Priligy Sample tadalafil cialis from india Amoxicillin By Sando

Write a Review

Read Previous

hkum gahtet ai Miwa mungmasha marai 3 hpe mungdan kata n shang shangun

Read Next

KIA hpyendap hpe Myen hpyen Drone hte kyin yu ai lam FBR ndau

Leave a Reply

Your email address will not be published. Required fields are marked *