Asuya hte Dingdung daw daphpawm wuhpung 4 hkrum zup bawngban na

June 30 ya shani Mungla e hkrumzup hpawng/ sumla – NRPC

Amyu sha rawt malan hpung lahta Myen mung daphpawm wuhpung 4 hte Myen asuya lapran August 31 ya shani Kyengtong e hkrum zup bawngban hpawng galaw na re lam chye lu ai.

Wunpawng Mungdan Shanglawt Hpung KIO, Balawng Dap TNLA, Kokang Dap MNDAA hte Rakhine Dap AA wuhpung 4 hte asuya simsa lam galaw hpung NRPC ni hkrum zup na rai nna, gap hkat jahkring lu na lawng lam hpe madung bawngban na re lam chye lu ai.

Lahta Sam mung e majan ding yang byin nga ai raitim, dap hpawm a matu shim lam hpe Miwa asuya hte Myen asuya maga lit la ai majaw Kyeng Tong mare hta galaw na matu myit hkrum ai re lam chye lu ai.

Asuya NRPC salang ni hte lahta Myen mung daphpawm wuhpung 4 lapran June 30 ya shani Mungla ginra e hpang jahtum hkrum zup bawngban da ai re.

Dai hpang matut hkrumzup bawngban na shakut ai raitim, hkrumzup shara n lu lata ai majaw shata 2 rai yang she bai hkrum zup na masing byin wa ai relam chye lu ai.

ya ten Myen mung sinna hkran Rakhine mungdaw e Asuya dap hte Rakine dap AA lapran majan dingyang byin nga ai zawn, Sam mung hta mung Wunpawng Mungdan Shanglawt Hpyendap KIA n lawm ai sha, dap hpawm malawm wuhpung 3 hte majan ding yang byin nga ai lam chye lu ai.

0 Reviews

Write a Review

Read Previous

KBC ningbaw Rev.Dr. Hkalam Samson hpe ahkyak la na matu Myen hpyendap tara jewat da

Read Next

Mali zup madim masing a majaw htawt sit ginra masha ni dum nta hten run

Leave a Reply

Your email address will not be published. Required fields are marked *