Shiga

Nam Um-Tamonye lai hprang mawdaw ni hpe KIA hkawn hta

Lahta Sammung majan a majaw Mandalay-Muse lam gan pat nga ten, Nam Um-Tamonye hku gayin lai ai mawdaw ni hpe KIA hkawn hta nga ai shi sumla ni, lai wa sai bat e pru wa ai re.

“Wunpawng Mungdan Shanglawt Asuya, Mungdan Sutgan Dap, Wunpawng Gumrawng Gumtsa Mungdan” gabaw kap ai “Voucher” hte August 22 ya shani, Nam-Um hte Tamonye lapran hkawn hta ai sumla ni hpe facebook hta mu lu ai re.

Facebook shiga hta, mawdaw kaji langai hpe kyat 50,000 hta ai lam tsun da ai re.

Tamonye ginra gaw Wunpawng Mungdan Shanglawt Hpyendap, KIA Dapba (10), Dung 2 ginra re.

KIA gaw Dingdung Daw Daphpawm hpung mali malawm rai timung, August 15 ya shani kaw nna Lahta Sammung e Myen asuya dap hte laja lana byin wa ai majan hta e KIA n lawm ai sha, ngam ai wuhpung masum— Balawng TNLA, Rahkai AA hte Kokang MNDAA hte byin ai re nga, daphpawm a ndau ni hta mu lu ai re.

Related Articles

Leave a Reply

Your email address will not be published. Required fields are marked *

Back to top button