Jinghpaw Ramma ningbaw 2 tara jewat da hkrum ai amu sakse ni hpe matut jep

Shy.Seng Nu Pan hte Shd. Paw Lu

Jinghpaw mungdaw majan (8) ning hpring lam nmaw makau hkrang shala lamang a majaw, masha hpawng chyawm pukma-19 hte tara jewat da hkrum ai ramma ningbaw 2 a amu, sakse 2 hpe dai ni matut jep sai re.

Tara jewat hkrum ai ramma ningbaw 2 maga mara nnga ai lam sakse hkam ya ai gaw Slg. Maji Brang Awng hte Slg.Hpauna Bawk Naw re hpe chye lu ai.

“ndai gaw n gun madun lamang mung nre. Yawng mu ai hte maren June praw 9 du yang shaning shagu lamang lama ma galaw ai. Ya mung ramma ni gaw hkrang shala lamang sha galaw ai. Dai majaw ndai gaw masha hpawng chyawm pukma hte nhtan shai ai lam nnga ai” nga nna Slg. Hpauna Bawk Naw tsun wa ai re.

Ramma ningbaw 2 a sakse ngu na marai 6 hpe tang shawn da ai rai nna, du na August 15 hta gaw hpang jahtum marai 2 hpe san jep na re lam chye lu ai.

Ya tara jewat da hkrum ai Shy. Seng Nu Pan hte Shd. Paw Lu yan 2 gaw, June praw 9 ya shani majan (8) ning hpring masat Myitkyina Sein-Mya-Eya nampan sun hte Pyi-Thu-Yin-Pin shara 2 hta ahkang nhpyi ai sha masha mahkawng wa ai nga nna ginwang ningtau Pyada Du Min Thant Zaw kaw nna tara jewat da ai re.

Read Previous

Chyihpwi ginra nlung ga jak rung a majaw ginra masha ni jam jau hkrum

Read Next

Htai nga Jinghpaw amyu sha ni Hkaw Hkam Jan a shangai nhtoi masat hpun bawng 900 jan hkai

Leave a Reply

Your email address will not be published. Required fields are marked *