Masat (30) Hpyen Man De Sa Wa ai Myen Hpyen Du Kaba Lam Lapran Gap Hkrum Na Si
Jinghpaw Mung Sinpraw Dingdung Hkawnglanghpu Miwa Jarit masat shadaw (30) maga de shani shagu majan byin taw ai lam KIO Shiga lawk ni hta tsun da ai re.
October 11 ya shani majan byin taw nga ai Shagadi mare de sa wa ai lam lapran kaw Myen hpyen hpung hpe hkap shingla gasat ai hta, Myen Hpyen Du kaba langai asak si hkrum ai lam nga ai hpe dai ginra de matut mahkai nga ai magam gun ni tsun ai re.
“Putao kaw na Hkawnglanhpu du hkra Helicopter hte sa wa nna, Hkawnglanhpu kaw na Shagadi jarit maga de sa wa ai lam lapran kaw M Bush hkrup ai ga rai nga ai, lam lapran kaw gaw rai n si ai, dai hkala ai shara kaw na hkawnglanhpu de gaw, bai hpai n htang mat wa masai. hpang e bai na ai gaw si sai nga na ai. Helicopter hte sa htaw la mat sai da.” nga tsun ai.
Ya si ai Myen Hpyen Dukaba gaw Naypyidaw Dap Awn rung แแฌแแฝแแบแแฑแธแฆแธแ
แฎแธแแปแฏแแบแแฏแถแธ(แแผแแบแธ)-แแ(แแผแแบแธ) kaw na dan tawk sa ai laksan Byuha Mu Dukaba re lam chye lu ai.
Dai Du-up Jum hpe October 10 ya shani Hkawnglanhpu de Helicopter nbungli hte sa htaw sa kau da ai re lam chye lu ai
Hkawnglanhpu kaw na Shaga Di mare de October 11 ya shani sa wa ai ten lam lapran kaw kaw shingla gasat hkrum wa ai mung rai nga ai.
Hkawnglanhpu ginra de lai wa sai October shata kaw แกแแพแแบ(แ) แ แ แบแแแบแแฑแธแกแแฐแธแกแแฝแฒแท(แแ แ-แ) na K.Ts.Ht Mu hte Myitkyina M.P.Hk na Taimu yan sa du gawan da ngut ai hpang, Du-up Jum langai hte Du Up langai n gun jat bang ya wa ai re lam, dai ginra na hpyen masa yu maram ai ni kaw na chye lu ai.
KIA hte Pawng hpawm Dap ni lai wa sai July shata kaw Miwa jarit masat shadaw (30) ginra hpe htim gasat zing madu kau wa lu ai re.
Dai hpang September shata kaw Jarit shadaw (30) makau na Helicopter yu ai shara hpyen dap hpe bai gasat zing kau wa lu ai rai nga ai.
Myen Hpyen dap hte Pyithutsit hpyen hpung ni gaw, dai Helicopter yu ai shara hpe bai gasat zing lu na matu hpyen n gun kaba hte bai htim gasat taw nga ai mung rai nga ai.
Myen Hpyen ni htu shadut taw nga ai majaw, Hkawnglanhpu ginra de shani shagu ngu na majan byin taw nga ai re.
