Mandalay kaw na lung wa ai Myen hpyen mawdaw nkau Myitkyina de October 13 ya shani du shang wa sai lam ginra masha ni kaw na chye lu ai.
Dai Myen Hpyen Mawdaw 130 gaw, Mandalay kaw na October 10 ya shani rawt lung wa ai rai nna, lam lapran shana n sin kaw grau na hkawm sa ai lam hpe chye lu ai.
Myen Hpyen mawdaw yan lung wa ai ten lam lapran Myen hpyen shim lam hte Jammer jak ni a majaw, lam makau de pyi n lu kahtep ai nga shawng lam hpyen magam gun hte ni nawn ai Salang langai KNG shiga de ndai zawn tsun dan ai re.
“Ndai kalang Mawdaw yan lung wa ai, lam makau de pyi n lu shani ma ai. Myen ni lam lapran manu mana hpyen n gun kaba hte shim lam la da ya ai, FPV Drone mung shana n mai pyen ai gaw dai majaw n dai kalang lung wa ai Mawdaw ni hpe hpa n lu hkap galaw ai,” nga tsun ai.
Dai Myen hpyen mawdaw yan lung wa ai ten, lam lapran na mawdaw nkau hpe mung ချောဆွဲ lang nna, hpyen ninggang shatai ai lam nga ai hpe sagawn chye lu ai.
Myen hpyen ni gaw Hpyen mawdaw hte mung shawa mawdaw gayau nna, Myitkyina de lai lung wa ai lam mung rai nga ai.
Myen hpyen ni Meza mare makau grup yin hpe htim gasat zing kau ai hpang, dai ginra ni de hpyen n gun matut jat bang taw nga ai lam chye lu ai.
Myen hpyen mawdaw tsa kaba hte Myitkyina de hpyen laknak htaw sa ai n dai kalang hte rai yang, 3 lang du sai re.
Shawng shaning hta Mawdaw 400 daram hte wa sa kau da ai lam nga ai hpe chye lu nga ai.
