Majan ShigaShiga
Hpakant de shang ai Myihprap wan gunrai hpe Myen Hpyendap Hkum Pat Nga
Hpakant de Htaw lung wa ai Masha lang arung arai hte Myihprap wan Electronic rai ni hpe Lawnghkang, Lay Pyin (Sha It Yang mare) na Myen Hpyen Bawm yam dap kaw pat hkum da ai lam chye lu ai.
Myen Hpyen maga Bawm Yam Dap kaw pat hkum da ai nhtoi bat mi jan du wa sai majaw, Hpakant de mi shawoi na hta manu grau tsaw rawt taw nga ai lam ginra masha langai KNG Shiga dap de n dai zawn tsun dan wa ai re.
“Myen Hpyen maga Lay Pyin Bawm Yam Dap kaw, အခြေခံလူသုံးကုန် hte Electronic rai ni hpe pat ai ya bat lapran mi du wa sai, lit nga ai n tsang tsang na ni hte jahkrup nga ai da, lahkawng masum ya rai yang gaw shalai ya na zawn nga ai, ya Myen ni n shalai ai majaw, Hpakant kaw wan rai hte nkau gunrai shawoi na hta htam lahkawng ram grau manu laja mat sai nga,” tsun ai re.
Myen hpyen dap pat Hkum da ai Shagyit ni hpe Gumhpraw law law jaw nna Lai rap wa ai majaw shawoi na hta gunrai manu grau Rawt mat ai lam byin taw ai nga matut tsun ai re.
Namya Hpakant lam hpe Wunpawng Mungdan Shanglawt Hpyendap KIA pat da ai kaw na bai hpaw ya ai hpang, gunrai manu grai hkyam sa wa na mung shawa ni myit mada ai rai tim, Mung Shawa myit mada ai hku n byin ai sha n ga, gunrai manu grau rawt ai lam ni byin taw ai hpe matut chye lu ai.
Solar Plate Jingo hpan Watt 620 pa langai sen-6 daram Kaw nna ya Gaw Sen-8 daram jaw nna Mari ra ai lam ni byin taw ai hpe chye lu ai.
Lama ra ahkyak na mari ra ai rai tim pyi mari na rai n nga ai mabyin lam ni nga taw ai hpe chye lu ai.
Ya ten Hpakant ginra kata majan gap gasat hkat ai lam n nga tim, kata lam hpyen masa shaja hkat ai lam ni gaw, ding yang matut nga taw ai hpe sagawn chye lu ai.
See less
