Myen Hpyen Asuya Ningnan lung wa ai ten, Myitkyina Monyin du hkra Wan leng lam hpaw na masing mung lawm ai hpe chye lu ai.
Wanleng lam hpaw na matu, Wanlen lam gram lajang ai Deng 100 jan du hkra ngut da sai lam chye lu ai.
Myitkyina hte Monyin lapran wan leng lam gram lajang ai hta, Wanleng lam Deng 163 Buda 33 du hkra gram lajang ngut asai rai nna, Min Kung Buda du hkra gram lajang ngut sai lam Myen hpyen shiga ni hta mu lu ai re.
Myen Hpyen dap ni wangleng lam shagreng wa ai majaw, KIA KPDF ni Namma Buda de htim gasat wa ai majaw, Namma Myauk dap kaw na laknak kaji kaba gap sharu bun ai majaw, Mung shawa langai si hkrum wa ai lam chye lu ai.
Namma Myen Hpyen Myawk dap kaw na laknak kaba gap shadam bun ai majaw, asak 65 ning re ai Salang Kyaw Hla ngu ai wa ai laknak kaba baw kaw hkra ai majaw, dai shara hta nan si mat nna, laga mung shawa marai 3 the ma kaji langai hkla sawng hkrum ai majaw, ma kaji wa gaw Monyin Tsi rung kaw tsi tsi hkam la taw ai lam chye lu ai.
Ndai laman Myen Hpyen dap the SNA dap ni wang leng lam mayan de hpyen n gun kaba dat na grau shamu wa ai re majaw, Wanleng lam grup yin de majan byin wa na masa nga ai lam, ginra masha ni tsun maram da ai re.
Lai was ai bat hta Monyin Balu Ginwang na, Ung Tsan mare na SNA dap hpe KIA SSAI pawng hpawm ni sa htim gasat wa ai re.
