Australia Mungdan du Wunpawng amyu sha ni jawm galaw ai, Wunpawng amyu sha myit hkrum manau poi lamang hpe ndai April shata 14 kaw na 17 ya shani du hkra galaw wa ai lam chye lu ai.
Australia Mungdan kaw nau ai manau n dai kalang the rai yang, 8 lang du sai lam chye lu ai.
Australia Mungdan kaw nau ai manau hte seng na dai kaw na lit nga ai Salang Lahpai Naw gaw KNG Shiga de n dai zawn tsun sanglang da ai re.
“Anhte Australia Mungdan kaw gaw Myen mung Kanu mungdan kaw na tsinyam masha hku na du sa wa ai No.2 law dik mungdan re. Anhte Wunpawng amyu grai law ai shara kaw Wuhpung langai hte langai grau na hkuhkau na matu, Myithkrum lam hpe htawng madun lu na matu yaw shada let, Lahkawng ning hta kalang galaw nga ai lamang re,” nga tsun sang lang dan wa ai re.
Wunpawng amyu sha ni tsin yam hkrum masha hku hkam la let, maigan mungdan ni de chyam bra hkawm mat wa ai gaw, number langai law dik Ameracan mungdan rai nna, Australia mungdan kaw gaw, No. 2 Wunpawng amyu sha ni law dik shara re lam chye lu ai.
Ndai kalang na Manau Poi lamang hta mung Australia Mungdan Queensland mungdaw na ဘရစ်စဘိန်း(Brisbane) muklum kaw galaw wa ai re hpe chye lu ai.
Dai poi lamang hta Australia mungdan du Wunpawng amyu bawsang shagu na mung shawa ni hte Maigan manam ni mung law law sa du shang lawm na galaw wa ai hpe chye lu ai.
Australia Mungdan kaw Manau poi galaw ai gaw, lai wa sai 2009 ning kaw na galaw hpang wa ai rai nna, lahkawng ning hta kalang jawm nau ai manau poi lamang langai re lam chye lu ai.
Ausralia Mungan kaw lahkawng ning hta kalang nau ai manau gaw, dai mungdan kaw nga ai Mungdaw shara ni hpe garan nna, Mungdaw shara langai kaw ngut ai hpang, langai mi kaw dai hku kahti galai rai na galaw mat ai gaw, dai ning na manau the rai yang, 8 lang rai sai lam chye lu ai re.
