Hkrunlam n tsa Pat hkrum taw nga ai Mung Shawa ni Hpe Nbungli Bawm Jahkrat bun

Mandalay Myitkyina Mawdaw lam kaba n tsa, pat hkrum taw nga ai Mawdaw ni hpe Myen HPyen dap nbungli bawm sa jahkrat bun ai majaw, hkrun lam hkawm mung shawa marai 9 si nna, marai 20 jan hkala hkrum wa ai sha n ga na, mawdaw nkau mung hkru hten ma ai lam ginra masha ni tsun dan ai kaw na chye lu ai re.

December 27 ya shani ka-ang hkying 12 aten daram hta Sagaing Hkin Oo Ginwang, Shwe Bo the Myitkyina Mawdaw lam kaba n tsa pat hkrum taw nga ai mawdaw ni hpe Myen hpyen Jet Nbungli lahkawng bawm sa jahkrat bun kau da ai hpang Mi 35 Holicopter the Rocket bai gap bun wa ai majaw, mung shawa sai hkala law wa ai re nga, dai ginra na သတင်းမှန်ပြန်ကြားရေး wuhpung ni n dau da ai re.

“27 ya jahpawt jau, Jet Nbungli 2 the shawng bawm sa jahkrat bun kau da ai, dai hpang Mi 35 Helicopter kaw na Rocket bai gap bun ai, mung shawa marai 9 gaw dai shara hta nan si ai ga rai nga ai, tsi rung de gaw sawng ai mada, n sawng ai mada, yawng marai 20 jan du wa ai, tsi rung de du wa ai ni mung si ai naw lawm ai nga,” tsun n dau da ai re.

Myen Hpyen nbungli bawm sa jahkrat bun ai majaw, Starlink Seng, Shat Seng hte Bus Mawdaw, sau htaw mawdaw 9 hkru hten wa ai nga, Hkin oo သတင်းမှန်ပြန်ကြားရေး ni tsun n dau da ai re.

Dai bawm sa jahkrat bun ai hta, shawng kalang gaw, Jet Nbungli lahkawng hte baw sa jahkrat mat wa nna, hpang kalang hta bai rai yang, Mi 35 Holicopter kaw na Rocket the bai sa gap bun mat wa ai lam chye lu ai.

Myitkyina Mandalay Mawdaw lam kaba hpe December 10 ya shani kaw na hpyen masa a majaw, laknak lang hpung lahkawng maga na pat da ai rai nga ai.

Dai shara hpe sha lai wa sai December 18 ya shani hta mung, Jet Nbungli 4, ဂျိုင်ရိုကော်ပတာ 3 the bawm sa jahkrat bun wa ai majaw, mung shawa marai 7 si hkrum wa sai re.

Ya ten, Myitkyina Mandalay Mawdaw lam kaba n tsa pat hkrum taw nga ai Mawdaw yawng hkying mi jan ram nga ai hpe sagawn chye lu ai.