Myen Hpyen dap woi awn galaw na Ralata poi hpe ninghkap ai lam Kachin Feminist Intiative wuhpung ni kaw na ndau laika langai shapraw dat ai re.
Dai n dau laika hta, 2025 ning Myen Hpyen dap woi galaw ai Ra lata poi gaw Gumshem Myen Hpyen dap n tara gumshem ai hpyen dap kaw na, Ra lata poi kaw na lung wa ai Asuya ngu ai hku masu hkalem ai Ralata poi re majaw, tengman rap ra ai lam n nga, masu hkalem ai ra lata poi hpe tsep kawp ninghkap ga ai nga nna tsun da ai re.
Myen Hpyen dap gaw, shaning 70 ning jan, Mung mare mash ani hpe lam amyu myu hku sat shamyit, rim zingri ai sha n ga, amyu shayi ni hpe mung hkum shan mazut roi rip sat nat ai mara ni kaw na lawt na matu galaw ai ra lata poi sha re nga tsun madi madun da ai re.
Ndai Ra lata poi gaw, Mung masa galaw ai ni hpe n tara rim sharen da ai lam, myu baw sang ni nga ai Mare kahtawng ning chyawng ni de shani shagu nbungli bawm sa jahkrat sharu bun ai lam, Ra lata poi lamang the seng na tsun ding lun ai ni hpe rim ahkyak la ai lam sha n ga, wang lu wang lang tsun shaga na ahkang tsep kawp n jaw da ai masa lam kata hta galaw na ra lata poi hpe tsep kawp n hkap la lu ai lam tsun da ai rai nga ai.
Ndai Ralata poi hpe mung shawa maga na mung n shang lawm ai sha gumshem Myen HPyen dap hpe matut ninghkap mat wa na matu matut tsun shadut da ai re.
Ndai Ra lata poi the seng nna, Kachin Feminist Intiative wuhpung ni kaw Maigan mungdan yawng de lawng lam lahkawng hpe hpyi lajin da ai lam matut mu lu ai re.
Langai hta Maigan mungdan yawng kaw na, tara n shang ai Asuya hpe tara shang asuya tai wa na matu shakut taw ai Myen Hpyen dap Ra lata poi hpe sin maram yu na malai, amyu sha laknak lang wuhpung, NUG Asuya ni hte dan tawk matut mahkai galaw nna, ra ai lam ni hpe garum jaw na matu, Lahkawng hta gaw Myen HPyen dap hpe Mara lawt na matu Dat kasa matut mahkai ai lam, gumrai ginlen ai lam, n galaw ai ya na matu hte Myen Hpyen dap kaw na tawt lai ai mara ni hpe ahkyak la ya na matu tsun hpyi shawn da ai rai nga ai.
