Shwegu – Nga Oo lam lapran de Myen hpyen ni htu shadut wa ai hpe KIA hte Pawng hpawm ni hkap shingla gasat ai majaw, Majan gasat gala byin taw ai lam shawng lam hpyem magam gun ni tsun ai.
October 8 ya jahpawt jau hkying 5 aten kaw Myen hpyen hpung ni KIA Pawng hpawm maga hkap shingla gasat ai hta, Masan sa awng dang ai lam nga ai nga, shawng lam hpyen magam gun langai KNG shiga de n dai zawn tsun ai re.
“Shwegu- Nga Oo gaw, dai hpawt anhte kaw na ni, htim gap ai, Masan gaw sa ai, laknak ni mung lu zing la ai. ya dai Shwegu – Nga Oo lam lapran kaw, myen ni htu taw ai majaw, majan dingyang byin taw ai.” nga tsun ai.
Myen hpyen ni grai htu wa ai majaw, ya ten mung shawa ni hku na Nga-Oo – Shwegu lam n lai na matu KIA maga sadi jaw ndau laika shapraw da ai re.
Myen hpyen maga sum machyi law wa ai majaw, dai hpawt manap jau kaw na Mungmyit – Mabeing – Nga Oo – Shwegu lam nmaw ding yang nbungli bawm laja lana sa sharu bun wa ai lam nga ai hpe chye lu ai.
ya ten Mungmyit hte Myitsone mare kaw laja lana gasat poi byin nga ai zawn, Manmaw shawng lam hpyen man ni hta mung laja lana gasat poi matut byin nga ai lam chye lu ai.
