Hpakant Sengtawng Kawngsan mare na Sein Long Taung Tan Company ga sharut gyi ru ai majaw, Lungse htu nga ai Yemase la marai (6) ram ga gyi ai kaw kaput lawm mat ai nga, ginra masha ni tsun ai re.
Sengtawng Ninghtawn, Kawngsan hte Nammaw mare lapran na Sein Long Taung Tan Company lungseng nhkun ga gyi ru ai majaw, dai company kaw bungli galaw ai bungli galaw masha marai 6 hte dai kaw kaput lawm mat ai nga, ginra masha langai KNG Shiga de n dai zawn tsun ai re.
“ Ya gyi ru ai gaw, မြေမှန် rai nga ai, shawoi hkan gaw မြေစာ bum gyi ai, n dai laman marang nau htu sawng ai majaw, lungseng htu da ai hkang gyi ru ai rai nga ai, dai company kaw na masha nan marai 6 lawm mat ai nga na ai,” nga tsun ai re.
July praw 3 ya jahpawt hkying 9 chyen aten daram hta Sein Long Taung Tan Company wang shara na, lungseng htu hkang ga gyi ru wa ai majaw, lung seng htu nga ai masha marai 6 kaput hkrum wa ai rai nga ai.
Ya ten dai ga gyi kaput hkrum ai ni hpe karum kahtau hpung ni kaw na, hkye mawoi ai magam bungli jawm galaw taw nga ai lam chye lu ai.
Dai na maga de du hkra rai yang shaw da lu ai moi mang 5 du sai rai nna, matut nna naw tam taw nga ding yang re lam tsun ai.
Dai ning na lanam ta ten, Hpakant de marang law ai majaw, shawoi shaning hkan na hta, lungseng n hkun ga sharut gyi ai lam, မြေစာ bum gyi ai lam ni grau na byin law taw nga ai masa re lam ginra masha ni matut tsun ai re.
Lai wa sai bat hta mung, Seng Tawng Nammaw mare ga shingbut gyi ai hta mung masha si hkala hkrum lai wa sai re.
