Jahtu Bungli madu ni hpe Myen Hpyendap Hte Matut Mahkai Ai Lam N Galaw na matu KIA ndau
Shwegu ginra hta Ja htu amu magam bungli galaw taw nga ai bungli madu ni hpe Myen Hpyen dap hte kanawn mazum shiga jaw ai lam ni n galaw na matu KIA Dung (12) kaw na sadi jaw n dau laika shapraw wa ai hpe mu lu ai re.
June 23 ya n htoi hte ndau laika langai shapraw wa ai rai nna, dai ndau laika hta madung lawng lam masum hpe tsun ndau da ai lam mu lu ai re.
Dai ndau laika hta Shwegu ginra kaw Ja hte kaga Sut nhprang htu nga ai bungli madu ni Myen hpyen hte matut mahkai  n galaw na lam, Myen Hpyen dap hpe shiga jaw, ဒလန် n galaw na lam hte, Shwegu muklum na n hprawng yen ai sha, muklum kata kaw matut rawng nga ai mung shawa yawng byin wa ai lam yawng hpe KIA kaw na lit n la ai lam tsun n dau da ai re.
Shwegu ginra de hpyen masa lani hte lani grau grau laja wa ai hte rau, Myen hpyen maga sum machyi law nna, nbungli hte shani shagu laja lana sa jahkrat bun taw nga ai lam chye lu ai.
Myen hpyen nbungli bawm a majaw, Je U Sitar ninghtawn maga de na mung shawa si hkala ai lam ni mung byin nga ai re hpe ginra masha ni tsun ai re.
