Dai na de Myitkyina de nbung laru wa ai majaw, lam kaba makau na hpun kaba langai daw kamyet ai majaw, jawngma marai 3 hkala hkrum ai lam chye lu ai.
Dai na de hkying 4:30 aten Myitkyina Mai Sak Wang lawk Tsin Awng Lusha seng hte သုံးရာသီ ကား၊ဆိုင်ကယ် ရေဆေးဆီလိုက် seng shawng kaw na, Gawng Ngu hpun kaba langai daw bun ai majaw, jawng ma sa tau ai mawdaw kaw daw bun ai majaw, mawdaw kaw lawm ai jawngma masum hkala hkrum wa ai nga, dai kaw na Mung Shawa langai KNG de tsun dan wa ai re.
“Dai na de nbung laru wa ai ten Maisak Wang Tsin Awng Lusha seng shawng kaw na, Hpun kaba daw ai, dai kaw jawngma sa tau ai mawdaw langai kaw daw kamyet hkra ai, dai kaw lawm ai jawngma 3 hkala sawng ai nga tsun ai, Myitkyina Tsirung kaba de htaw mat wa sai,” nga tsun dan wa ai re.
Hkala hkrum ai jawngma ni gaw, Lekung Maliyang kaw na jawngma ni re lam matut chye lu ai.
Dai hkala hkrum ai jawng ma ni hpe Myitkyina mung shawa tsi rung de htaw sa da sai lam tsun dan ai re.
Ndai laman Myen Mung, Thai mung ni hta WeFa Nbung laru wa na lam tsun n dau da ai lam nga ai re.