NUG Asuya kaw na, sumtsan shinggan du Asuya n tai na matu, Asuya magam gun taw ai ni yawng mungdan kata de lawan bai shang wa na matu NUG gan gumsan magam, Duwa Lashi La tsun mat wa ai re.
NUG gan gumsan magam Duwa Lashi La kaw na November 26 ya jahpawt galaw ai NUG Asuya zuphpawng mungga hta tsun mat wa ai re.
“Anhte NUG Asuya gaw sumtsan maigan du Asuya n mai tai ai, lata tut magam bungli shaja nna, mungdan kata ngang ngang kang kang tsap taw nga ai Asuya tai ra ai, dai majaw ngai hku na shadut mayu ai gaw, anhtu Asuya hkringmang Salang tai nga ai ni yawng mungdan kata hta n’gun shadat bungli wa galaw na hpe tsun mayu ai.” nga nna Myen ga hku tsun mat ai re.
Ta tut bungli lam hta n gun bai gahkyin wa ra sai majaw, maigan mungdan ni de du nga ai Asuya hpung shang salang ni yawng Mungdan kata de lawan bai shang wa na matu tsun mat wa ai rai nga ai.
NUG gan gumsan Magam Duwa Lashi La gaw ya aten Miwa asuya hte laknak lang rawt malan hpung ni a dip n gun jaw hkrum nga ai ten ya na zawn, NUG Asuya zuhpawng lamang hta tsun mat wa ai rai nga ai.
NUG Asuya hkring mang dap lakung shagu hta mung, Zai matsun hkrang ningnan lam ni hpe bawng ban jahkrup taw nga ai nga nna matut tsun mat wa ai re.
NUG Asuya gaw jarit mayan gara shara hta mung shim lam n nga ai majaw, ya na zawn maigan mungdan shara shagu de du mat wa ai masa re nga, mung masa yu maram ai ni tsun ai re.
