Putao Kaung Mu Lung kata na , Zabyurit(ဇမ္ဗူယစ်ရွှေဆိုင်), ja seng damya mya hkrum nna Mawdaw hte hpawn, ja joi 300 daram hte , gumhpraw sen 80 daram lawm mat ai lam chye lu ai.
November 24 ya jahpawt Putao manap gat kata kaw jaseng hpaw tawn ai, Zabyurit seng madu jan, Daw Yin Khaing gaw , shi nta kaw nna, seng de sa na matu , nta shawng kaw maw daw gan jahkring da ai ten, mawdaw nawng gau hprawng mat hkrum ai nga, Putao ginra masha ni tsun dan ai re.
“Mani hpawt Seng hpaw na matu Ja yawng hpe mawdaw kaw bang da nna n ta n hku de jahkring bai gan n htang shang ai ten mawdaw nawng gawt hprawng mat ya ai,” nga tsun ai.
Jaseng madu , Daw Yin Khaing gaw, rai gan malap da majaw, nta kate de gan shang mat wa ai shaloi , madaw nawng gau hprawng mat wa ai hta, seng sa hpaw na matu mawdaw kata kaw, Ja joi 300 jan hte gumhpraw sen 80 daram lawm ai lam chye lu ai.
Mawdaw hte hpawn damya mya la mat wa ya ai ni gaw, asak 30 ning ram re, la kasha marai 3 rai nna, Putao mare shinggan , lahta San Gawng mare maga de gau hprawng mat wa ai lam matut chye lu ai.
Ya na zawn, damya mya hkrum ai manghkang hte seng nna, seng ang ni hkan tam ai shaloi , mawdaw hpe gaw, bai lu la ai raitim, Ja hte gumhpraw bai nlu la mat nna, damya mya ai la marai masum mung hprawng lawt nga ai lam chye lu ai.
