Wai maw maga de Myen hpyen dap ni hpyen shamu shamawt hkawm nga nna, laknak kaba ni the makau grup yin de hkrup mara gap shadam bun ai lam ni galaw taw nga ai nga, ginra masha ni tsun ai re.
Mani November 18 ya shani Myen hpyen dap Drone ni the KIA ni nga ai shara de pyen gayin hkawm wa ai hpe KIA maga hkap gap gasat dat ai hpang, Myen hpyen dap maga na laknak kaba ni hte bai gap shadam bun wa ai nga ginra masha langai KNG shiga de tsun ai re.
“Mani Myen ni na Drone Shanglawt ni nga ai de pyen sa wa ai majaw, Shanglawt ni gap dat ai hpang, Myen ni (58) the Wuyan lapran kaw na laknak kaba bai wa gap bun ai rai nga ai, Washawng maga de gap bun ai re, masha gadai n nga sai majaw hkra hkala ai lam ni hpa n nga ai,” nga tsun dan ai re.
November 18 ya shana maga hta Waimaw hkran maga de laknak ni grai bai ngoi wa ai majaw ginra masha ni hkrit kajawng ai lam ni nga wa ai re.
Dai na bai laknak kaba grai ngoi nga ai, gara magade bai gap hkat ai kun?” Nga Myitkyina ginra masha langai tsun ai re.
Ndai laman Waimaw hkran maga de majan gap gasat hkat ai lam ni n nga ai rai tim, Myen hpyen dap maga na hpyen shamu shamawt wa ai majaw, ya na zawn bai gap gasat hkat wa ai re lam chye lu ai.
