Manmaw hte Nmawk lapran, hpyen n-gun kaba hte htu shadut nga ai Myen hpyen hpung ni hpe Wunpawng mungdan shanglawt hpyendap KIA dap ni hkap shingla gasat nga ai majaw majan matut manoi byin nga ai re.
Manmaw Nmawk rai ndu shi ai deng 6, deng 7 Awng Mye mare hta lai wa sai Aug 24 ya ram kaw nna, Manmaw maga na htu shadut lung wa ai i Myen hpyen hpung ni r hpe KIA pawm hpawm hpung ni hkap htim gasat nga ai gaw dai ni Sep praw 5 ya shani du hkra majan matut byin nga ai lam shawnglam hpyen shi sawk ni tsun ai re.
“ndai kaw gaw shani shagu nbungli drone laknak kaba hkum sum hpa the ding yang sa gap bun taw nga ai, anhte maga na mung Myen ni n lu lai bang hkra hkap shingla gasat taw nga ai,shani shagu laja taw ai ga rai nga ai.”
Dai Myen hpyen hpung ni gaw Nmawk dap kaba hpe KIA dap ni zing madu la kau ai hpang, Manmaw maga de na , hpyen n-gun kaba hte kalang bai htu shadut lung w anna, Nmawk kaw bai w alu dung hkra shakut nga ai re.
KIA dap maga na mung zing madu da sai Nmawk dap hpe ntat sum kau hkra hkap shingla gasat taw nga ai nhtoi bat 10 jan du wa sai re.
Mani September praw 4 ya shani hta mung dai majan byin ai shara de nbungli bawm kaba 8 lang ram sa gap bun da ai lam matut chye lu ai.
Ya ten Mandalay kaw na lung wa ai Myen Hpyen HKasanghpawli hpung ni gaw Manmaw mare de man yawng lung wa nga ai hpe yu maram yang Manmaw mare kaba na Myen hpyen dap kata hta laknak machyu pala hte malu masha dumhprut wa ai masa re nga hpyen masa yu maram ai ni tsun tawn ai re.
