Ntap Bum Myen hpyen dap kaw na yu wa ai Myen hpyen hpung hte KIA Dung 24 dap ni majan gap gasat wa ai lam chye lu ai.
February praw 6 ya shana maga hkying 1 daram hta, Ntap bum de na yu wa ai Myen hpyen hpung ni hpe Na Lung hte Shadan Pa lapran hta KIA dap ni hkap shingla gasat dat ai kaw na majan byin wa ai hta, Myen hpyen dap maga sum machyi lam law wa ai majaw, Hpunpyen bum Myen hpyen dap kaw na laknak kaba ni hte gap garum wa ai lam shawng lam hpyen shi sawk ni kaw na chye lu ai.
“Dai na maga de Ntap Bum makau kaw gap hkat wa ai, Myen hpyen dap ni sum machyi law sam ai, Hpunpyen bum kaw na laknak kaba tsawm ra lang gap bun wa ma ai.” nga shawng lam agam gun langai tsun ai re.
Dai Majan byin ai shara de Hpunpyen bum hta dung ai Myen hpyen dap ni kaw na laknak kaba 80 mm, 120 mm ni hte gap bun wa ai lam nga ai hpe matut chye lu ai.
Ya ten dai ginra hta hpyen masa matut shaja hkat taw nga nna, shada yu sin hkat taw ai masa re lam mu chye lu ai re.
