Miwa gumsan mungdan, Shweli de bat mi hkawm ai lekmat (TBP ) hpe September praw 4 ya shani kaw nna, Muse hta galaw ya taw sai lam chye lu ai.
Dai masat laika pa hpe Myen mungdan shara shagu na mung chying masat madun nna, sa mai galaw la ai rai nna, muse mare kata shara 3 hta galaw ya taw ai lam chye lu ai.
“ Shweli de shang na Myen mung masha ni ngu mawdaw lam ting she hpring ai, shani ting jan prang hta sa dinggren jawng ma ai. ya gaw bat mi hkam lekmat (ယာယီနယ်စပ်ဖြတ်ကျော်ခွင့်လက်မှတ်) hpe tara shang marai langai hpe hkying 2 hte yawng hpe galaw ya taw ai ga rai nga ai.” nga Muse ginra masha langai KNG de tsun dan ai re.
Lai wa sai 3 ning daram kaw nna Covid ana a majaw Myen – Miwa ga jarit masha pru shang lam yawng hpe pat kau ai ai majaw, Myen mung jarit mayan hta nga mung shawa ni galaw lu galaw sha lam hta grai yak hkak mat wa ai re lam chye lu ai.
Myen mungdan kata Myen hpyen dap daru magam zing kau ai hpang kaw na, gunrai manu ni lani hte lani grau grau tsaw rawt wa ai hte, bungli taw ai lam ni a majaw, Myen mungdan kata na mung shawa ni Miwa ga de bungli sa galaw sha ai masha grau grau law wa ai rai nga ai.
