Monyin Myen Hpyendap hpe Shiga Jaw ai Ngu Mying Pru ai Mungshawa Langai Gap Sat Hkrum
Monyin mare kata, Myen hpyendap hpe shiga jaw ai ngu mying kaba taw nga ai Salang Tan Tun Aung hpe Monyin KPDF dap ni gap sat kau ai lam chye lu ai.
September praw 4 ya shana de hkying 4 daram aten, Monyin, Ahshesu lawk hta hpaw da ai, MinYarZar sumla dem shapraw seng madu, Salang Tan Tun Aung gaw LuYayShun border shawng hta hkap gap sat hkrum ai lam ginra masha langai ndai zawn tsun dan ai.
“Dalan nga na mying grai pru taw ai wa gaw re, lai wa sai ten Myikyina Journal kaw mung galaw yu, မှုခင်းသတင်း hkan mung galaw yu re masha re nga tsun ai. ya gaw ဓာတ်ပုံဆိုင် hpaw da ai wa rai nga ai, shi madu jan hte sengke jawn wa ai lam kaw gap sat hkrum ai nga, shi madu jan chyawm hpa n byin ai da.” nga Monyin ginra masha langai KNG de tsun dan ai re.
Shi madu jan hte rau sengke hte jawn wa ai lam kaw hkap gap ai hta, baw hte lagaw kaw pala kru lang daram hkra ai majaw, dai shara hta nan si mat ai lam chye lu ai.
Salang Tan Tun Aung gaw, lai wa sai ten, Myitkyina Journal hta bungli galaw wa yu ai rai nna, Myen hpyen dap daru magam zing kau ai hpang n gun madun ai ramma ni hte mang hkang byin yu ai re lam chye lu ai.
